LAOAG CITY – Naiyuswat ti field visitation dagiti delegado ti Japan iti black garlic production ditoy probinsya.
Daytoy iti inbatad ni Dr. Shirley Agrupis, ti Presidente iti Mariano Marcos State University idiay ciudad ti Batac.
Segun kenni Dr. Agrupis, gagem iti panagbisita dagiti maseknan kadagiti pagtatalunan manipod iti ili ti Burgos, Bangui, Bacarra ken Pasuquin a maamoan iti kalidad iti kataltalonan ken no anya dagiti teknolohiya ken istratehiya dagiti mannalon iti panagmula iti bawang.
Napintas ti resulta iti ibibisita dagiti delegado iti Japan gapu ta timmulong da pay a nagapit kadagiti mula a bawang.
Innayon pay ni Dr. Agrupis nga agsublinto dagiti delagado iti Japan tapno umay da iyimplementar dagiti sumagmamano a teknolihya nga us-usaren da idiay Japan tapno napinpintas ti produksyon ti black garlic ditoy probinsya.
Inlawlawag ni Dr. Shirley Agrupis, ti University President ti MMSU iti ciudad ti Batac a naiyuswat iti soil sampling analysis itay napan a tawen tapno maderminar ti kalidad iti daga a pagmulaan ti bawang.
Inbatad na a kalpasan a naamoan da iti resulta iti tests ket dagus a nakikoordinar da kadagiti delegado iti Japan isut gapuna nga immayda bimmisita ditoy probinsya.
Kabayatanna, inpasingked ni Dr. Agrupis nga ado dagiti benepisyo a maala manipod iti black garlic.
Segun kenkuana, ti black garlic ket dumalan iti fermentation process tapno agbalin daytoy a nangisit ken ado dagiti maipaay na a benepisyo para ti salun-at kas ti panglaban ti sakit a cancer ken dadduma pay.
