LAOAG CITY – Umabot iti 128 a job seekers ti nakipagpartisipar iti kaunaan a job fair a naiyuswat iti ili ti Bacarra ita a tawen.
Daytoy ti inpakaammo ni Dr. Clemente Galiza, ti PESO officer iti nasao nga ili.
Segun ken ni Galiza, manipod iti nasao a bilang ket 46 dagiti nagaplikar para iti local posisyon idinto nga 82 ti nagaplikar para iti ballasiw taaw.
Inpakaammo na a 28 met kadagiti amin a nagaplikar ket hired on the spot.
Immunan nga inpakaammo ni Galiza a ti nasao a job fair ket nagkakammayetan ti local a gobierno iti Bacarra, DOLE, POE ken koordinasyon ti barangay council.
Inbatad na nga indauloan met daytoy ni Mayor Nicomedes dela Cruz ken dadduma pay nga opisyal ti ili.
Kabayatanna, kuna ni Galiza a dagiti saan a nakapagpartispar iti job fair ket mabalin nga agturong iti opisina ti PESO iti ili ti Bacarra tapno maikkan ti gundaway a makastrek iti trabaho babaen iti recruitment program.
Dinakamat ti PESO officer nga agawat pay ti opisina kadagiti agkalikagum a nurse nga agturong iti Germany ken domestic helpers iti Israel, residente wenno saan iti ili ti Bacarra gapu ta awan ti masapol a maggasto dagiti aplikante.
