LAOAG CITY – Kaadoan kadagiti complainant dagiti kaso ti mapukpukaw a mammallot ket saanen a makikokoordinar kadagiti prosecutor.
Daytoy ket basar ken ni Prosecutor General Richard Fadullon.
Inbatad ni Fadullon a saanen a sumungsungbat ti sumagmamano kadagiti complainant kadagiti tawag ti prosecution ken awan met ti naipaay a rason iti saan dan a pannakisarsarita kadagiti prosekusyon.
Inyarig na ti kaso ti tallo a mapukpukaw a mammallot iti Sta. Cruz, Laguna, dua kadagiti complainant ti saanen a sumungsungbat.
Atapen ni Fadullon a mabalin a nagtutulag ti sumagmamano kadagitoy, ngem awanen ti inpaay na a detalye wenno ebidensiya.
Napateg ti partisipasyon dagiti complainant partikular iti civil aspect dagiti kaso, idinto a mabalin met a maituloy ti criminal proceedings iti babaen ti panangipresentar dagiti testigo ken dadduma pay nga ebidensiya.
Immunan a naireport a maymaysa laengen a complainant ti regular nga agat-atendar iti panagdengngeg mainaig kadagiti mapukpukaw a mammallot kalpasan a maipagarop a napukawen ti komunikasyon iti dadduma a pamilya dagiti biktima.
