LAOAG CITY – Makapaspasar ita dagiti taraken a dingwen kas iti baka ken kalding ti panagpanateng.
Segun ken ni Dr. Samantha Licudine, ti City Veterinarian dayrtoy ita ti kangrunaan a sakit a mapaspasaran dagiti taraken a kalding gapu iti Amihan Season.
Innayonna a malaksid kadagiti kalding ket panakapaspasar met ti three- days-sickness dagiti taraken a baka.
Inlawlawag ni Licudine a dagiti kangrunaan a sintomas ti nasao a sakit kadagiti dingwen ket no marigatan a makapagpagna ken saan a mangmangan dagiti dingwen.
Kunana nga amin dagitoy ket gapo iti epekto ti nalamiis a panawen.
Ngem no pay kasta, inpettengna nga awan ti rumbeng a pagdanagan dagiti indibidwal nu makapasar dagiti taraken da a dingwen gapu ta saan a makaakar daytoy iti tao ken insigida met laeng a maagasan babaen iti umno a panakataming da.
