LAOAG CITY – Masarakan ti kadakkelan nga alkansia iti maysa a theme park iti Colombia.
Ti nadakamat a dakkel a piggy bank ket masarakan iti Mano del Artesano – Pueblito de Barro iti ili ti Ráquira ken addaan daytoy ti kangato a 29 a kadapan ken 6.3 a pulgada ken kalawa a 33 a kadapan ken 11.8 a pulgada no sadinno ket addaan daytoy ti kadagsen ti sumurok-kumurang 30 a tonelada.
agaw atension pay ti bassit nga abutna daytoy a mabalin a pangilubbotan ti barya dagiti turista no sadadinno ket dagiti maurnongda ket mai-donate kadagiti lokal nga animal shelter iti lugarda.
Malaksid iti daytoy, mabalin pay a serreken ti uneg ti alkansia no sadinno ket makita iti unegna ti maysa a gallery a mangipakpakita ti history ti pannakaaramid ti nadakamat a ceramic piggy bank.
