LAOAG CITY –Impakaammo ni Colombian President Abelardo De La Espriella nga agarup 265 nga indibidual ti natay ken 465 ti agtalinaed a mapukpukaw kalpasan ti idadayyeg ti 7.4 a gingined iti sumagmamano a kangrunaan a siudad iti laud a paset ti pagiian.
Inkari ti presidente a mangiyalokar daytoy ti emergency fund para iti pannakatarimaan ti ospital, pagadalan, pagtaengan, ken dadduma pay nga imprastruktura.
Mainaig iti daytoy, inanunsio ni De La Espriella ti economic emergency iti pagilian tapno matarimaan dagiti nadadael ti gingined.
Maipalagip a ti gingined ket nangitunda ti pannakasugat ti agarup 3,770 nga indibidual ken 9,550 a pagtaengan ti nadadael.
