LAOAG CITY – Kinumpirmaran ni Barangay Jay-Z Lagundino iti Barangay Pancian iti ili ti Pagudpud a saanen manen a madalanan ti kalsada iti paset ti Sitio Banquero gapo iti panagreggaay ti daga.
Segun kenni Lagundino, dakkel manen ti napasamak a panagregaay ti daga ken saanen a madalanan itay pay laeng rabii.
Agpapan maisursurat ti damag ket manarimaan ti clearing operation dagiti kameng ti Dept. of Public Works and Highways (DPWH) iti nasao a paset ti kalsada.
Kunana a gapo iti daytoy ket ado dagiti motorista a nastranded.
Mainaig iti daytoy, saan a makumpirmaran ni Lagundino a gapo iti Bagyo Karding ti rason ti panagreggaay ti daga iti Sitio Banquero ngem patien na nga uray awan ti tudo ket posible a mapasamak latta ti panagreggaay gapo ta ado pay laeng dagiti daga nga arig na ket agbibitin iti ngato ti bantay.
