LAOAG CITY – Napilaanen ti kaso nga Illegal Possesion of Firearm ti maysa a kameng ti CAFGU a napaputok ti paltog iti paset Barangay San Julian iti ili ti Solsona.
Daytoy ti kinumpirmaran ni Police Captain Chris Anthony Sorsano, chief of police ti PNP-Solsona.
Nabigbig daytoy a ni Clevio Danao, agtawen ti 31, nasaawaan, CAFGU a nakabase iti Barangay Birbira, iti ili ti Carasi ken residente iti Barangay San Julian iti nasao nga ili.
Maipalagip a ni Danao ket nagpaputok ti paltog kabayatan nga adda iti impluwensya ti nasanger.
Kabayatanna, kuna ni Sorsano, agtultuloy pay laeng ti panagbirbirok da iti nasao a kameng ti CAFGU.
