LAOAG CITY – Impalagip ti Philippine Health Insurance Corporation (PhilHealth) iti publiko ti limmawa a Z Benefits Package bayat ti panangselebrar ti Cervical Cancer Awareness Month ita a Mayo.
Iti maysa nga advisory, ti state insurer ket idiayana ti agingga iti PHP175,000 a financial support para kadagiti advanced treatments.
Kabayatan a makaibus iti pisikal ken emosional a pigsa ti sakit, daytoy a dakkel a gatad ket nadisenio a mangpalag-an iti pinansial a pakadagsenan dagiti pamilia Pilipino.
Ti Z Benefits Package ket mangipaay ti fixed-rate subsidies para kadagiti pasiente a na-diagnose nga addaan iti cervical cancer manipud iti Stages IA1 agingga iti IIIB no sadinno a PHP175,000 ti naipaay para iti advanced chemoradiation ken PHP120,000 ti maited para iti chemoradiation wenno primary surgery.
Maipalag a manipud iti Philippine Cancer Society nga agarup 7,897 a baro a kaso ti cervical cancer ti nairekord iti makatawen, ken agarup 12 a babbai ti matay gapu iti sakit iti inaldaw.
Ti cervical cancer ti maikapat a kangrunaan a pakaigapuan ti ipapatay a mainaig iti kanser kadagiti babbai a Filipino nga agtawen iti nagbaetan ti 15 ken 44.
