LAOAG CITY – Natiliw ti maysa a kameng ti Civil Security Unit (CSU) iti gobierno iti ciudad ti Laoag iti naiyuswat a drug buy-bust operation iti 18 ditoy ciudad ti Laoag.
Nabigbig daytoy a ni Benedict Francisco, agtawen ti 25, baro ken residente iti Barangay 14 ti nasao a ciudad.
Naamoan a bayat ti panangiparking ni Francisco ti motorsiklo na iti paset ti Barangay 18 ditoy ciudad ti Laoag ket immasideg dagiti kameng ti pulisya ken maipagarop a kellaat da lattan a tiniliw gapu ta ak-akusaran da daytoy nga aglako ti marijuana nga agbalor ti 500 a pisos.
Inbatad ni Francisco a nakigtot iti papan panangtiliw kenkuana dagiti pulis gapu ta saan nga agus-usar ken aglaklako iti illegal a droga.
Inadmitir na a pinadas na ti nagusar ti marijuana idi agad-adal pay laeng ti kolehiyo gapu ta pinagustwan na laeng dagiti barkada na.
Ni Francisco ket naka-assign iti balay a mismo da Mayor Chevylle Fariñas iti Barangay Vira ditoy ciudad ti Laoag.
