LAOAG CITY – Pinaigetan ti Department of Health – Center for Health Development (DOH-CHD) iti Bicol ti health education ti pannakikoordinar kadagiti lokal a gobierno ken koordinasion kadagiti nagduduma nga ahensia tapno maipangato pay ti coverage ti deworming kadagiti ubbing ken agtutubo kagiddan kadagiti nagun-od iti mass deworming campaign iti rehion.
Inbatad ni Department of Health 5 (Bicol) Regional Integrated Control Program Coordinator Darryl Balane nga umabot iti 80.25 a porsiento ti pakabuklan a coverage ti deworming iti rehion idi Enero 2026 a nangatngato maidasig iti 71.94 a porsiento idi Hulio 2025.
Kunana a nadanon ti kampania ti agarup 1.79 milyon iti mapatta-patta a 2.23 milyon a target beneficiaries ti rehion nga agtawen ti maysa agingga 19.
Nangatngato daytoy no idasig iti napalabas a round ken ti target ti programa a saan a bumaba iti 85 a porsiento ti coverage.
