LAOAG CITY – Madanagan ti kampo ni dati a Presidente Rodrigo Duterte ti saan a pannakaipalubos a bisitaen isuna iti pagbaludan iti International Criminal Court.
Inbatad ni Atty. Harry Roque, dati a pannakangiwat ni Duterte a ti naudi a pannakaipalubos a makastrek dagiti bumisita iti dati a Presidente ket iti napalabas a lawas.
Gapu iti daytoy, nakikoordinaren ti common law wife ti dati a Presidente a ni Honeylet Avancena kaduana dagiti abugadoda iti International Criminal Court.
Mangnamnama ti kampo ti dati a Presidente a malawlawagan isuda gapu ta adda dagiti naikeddeng nga aldaw iti panagbisita iti dati a Presidente.
