LAOAG CITY – Naminsan nga inpalagip ti kampo ni Kingdom of Jesus Christ leader Apollo Quiboloy dagiti sumagmamano a kondision para iti panagsukona.
Segun ken ni Atty. Israelito Torreon, ti abugado ni Quiboloy, nasken a maaddaan ti written declaration ni Presidente Ferdinand Marcos Jr.
Nakailanad ditoy a saanna nga ipaima ni Quiboloy idiay Estados Unidos no sadinno a sumangsango met daytoy kadagiti kaso.
Inbatad ni Torreon a daytoy laeng ti iyur-urayda kas panangipasigurdo ken iti seguridad metten ni Quiboloy.
Inpettengna a ti nasao nga addang ket nakaipalaon no ania ti nakailanad iti linteg.
Naammoan a sipod pay idi ket daytoyen ti kiddawda ken ni Marcos.
Maipalagip a malaksid ditoy Pilipinas ket sumangsango pay iti kaso ni Quiboloy idiay Estados Unidos a daytoy ket pakairamanan ti fraud and coercion; sex trafficking of children; marriage fraud; fraud and misuse of visas; bulk cash smuggling; promotional money laundering; concealment money laundering; ken international promotional money laundering.
Immunan nga inpasigurado ni Marcos nga agbalin a patas ti aniaman a maiyuswat a panagdengngeg iti kaso ni Quiboloy.
Kabayatanna, sipod pay idi Abril ket saanen a nakita ni Quiboloy kalpasan a naiparuk-at ti arrest warrants daytoy manipud iti korte ti Pasig ken Davao.
