LAOAG CITY – Binabalaw ni Atty. Ferdinand Ignacio ti kampo ni senador Leila de Lima gapu ta maipagarop nga awan ti inaramid da nga addang kontra kadagiti agsusukot a kaso a naipila kontra kenkuana.
Inlawlawag ni Ignacio a saan a nangipila ti counter affidavit ti senadora isut gapu na nga awan ti nagibasaran dagiti maseknan no adda ti probable cause dagiti akusasyon kontra kenkuana wenno awan.
Inpetteng ni Atty. Ignacio nga adda ti dua a wagas, maysa ditoyen ti panangipila da koma ti counter affidavit tapno nadependaran koma ni de Lima dagiti kaso na ngem pinili ti kampo na ti nagulimek gapu ta saan a bigbigen ti kampo ni de Lima nga adda ti hurisdiksyon ti Department of Justice (DoJ) iti senadora.
Kuna ni Ignacio nga uray saan koma a bigbigen ti maseknan ti hurisdiksyon kenkuana ti DoJ ket rebbeng na latta nga nagpila ti counter affidavit dagiti alegasyon kontra kenkuana.
