LAOAG CITY – Pimmusayen ni Felicien Kabuga a maysa kadagiti kangrunaan a suspek iti 1994 Rwandan genocide kabayatan a sumangsango iti panangusig ti International Criminal Court (ICC) iti The Hague, basar iti United Nations.
Kinumpirmaran ti International Residual Mechanism for Criminal Tribunals a natay ni Kabuga iti maysa nga ospital idi Sabado, Mayo 16, iti tawenna a 90.
Nabayag a naikonsiderar ni Kabuga kas maysa kadagiti most wanted fugitives iti intero a lubong gapu iti maipagarup a papel daytoy iti panangpundo ken panangsuporta iti genocide iti Rwanda idi 1994 no sadinno a mapatta-patta nga umabot iti 800 a ribu a tattao ti natay iti uneg laeng ti sumagmamano a bulan.
Naakusaran ni Kabuga kas maysa kadagiti adda iti likudan ti Radio-Television Libre des Mille Collines, maysa nga istasion ti radyo a maipagarup a nangiduron kadagiti ethnic Hutu a papatayen dagiti Tutsi iti kangitingitan ti genocide.
