LAOAG CITY – Maysa nga agama idiay South Africa ti nakagun-od ti world record kalpasan a nakapartuatda ti kapartakan a drone iti intero a lubong.
Kinumpirmaran ti records keeping organization a Guinness World Records a dagiti agama nga isuda Mike ken Luke Bell ti nakaaramid ti Peregreen 2, ti baro a record holder ti titulo a “Fastest Ground Speed by a Battery-powered remote-controlled quadcopter.” Ti nasao a drone ket adda ti kapaspasna a 298.47 miles per hour (mph).
Basar kadagiti agama, ti drone-da ket naaramid iti 3D-printed carbon fiber. Battery-operated daytoy ken mausar babaen iti remote control. Malaksid kadagiti dua, timmulong met iti panangpartuat ti aerothermal engineer a ni Chris Rosser.
Naammoan a ni Mike Bell ket maysa nga architect a nagdisenio ti Mbombela stadium no sadino a naiyuswat ti 2010 FIFA World Cup.
Kabayatanna, ti anakna a ni Luke ket maysa nga YouTuber nga agreb-review dagiti camera ken drones kadagiti online accounts-na.
