LAOAG CITY – Nagballaag ni Brgy. Chairman Eusebio Lumbo iti Brgy. Dalayap iti ili ti Pinili kadagiti sari-sari store a saan da nga agpatambay kadagiti customers da.
Namuanganay daytoy a ballaag gapo iti report ditoy Bombo Radyo Laoag nga adda dagiti sumagmamano nga agtutubo nga agpupulapol iti asideg ti dua a pagtagilakwan ken makita iti ladawan a saan a masursurot ti social distancing ken saan a naka-face mask dagiti maseknan.
Kinumpirmaran ti kapitan a malasin na dagiti nasao nga indibidwal ken inadmitir na a dagitoy ket kabarangayan na.
Inbaga na a nakasarita nan dagiti maseknan nga adda iti ladawan ken kinasarita na payen dagiti agtagikwa kadagiti pagtagilakwan a kontrolen da dagiti customers da no kayat da pay a mairenew ti business permit da iti umay a tawen.
