LAOAG CITY – Inlawlawag ni Barangay Chairwoman Lourdes Estrada iti Barangay Pancian iti ili ti Pagudpud no kasano ti pannaka-wash out ti nagmulaan ti gmelina ken niyog.
Segun kenni Estrada, agarop 25 a metro ti kaadayo na manipud iti karayan ti nagmulaan ti gmelina ken niyog.
Inbatad na ti nakamulaan dagitoy ket pribado a lote ti nairaman kalpasan a limmawa ti ayos ti karayan ken ti danom na ket aggapo iti bantay.
Kunana a ti boundary ti Barangay Pancian ken Barangay Pasaleng ket dakkel a karayan ken napasamak ti pannaka-wash out ti nagmulaan kadagiti kaykayo gapo iti gapo iti panagtudtudo na gubuay ti bagyo rolly.
Naamoan a nagkiddaw pay ti barangay iti lokal a gobierno para iti krudo ngem maipagarop nga inbatad ti munisipyo nga awan ti maited da a pondo.
Mainaig iti daytoy, kuna ti kapitan a pagsasaritaan da no anya ti aramiden da nga addang seknan iti daytoy.
