LAOAG CITY – Inpetteng ni Prof. Karl Lenin Benigno, maysa a political analyst nga iti pannakaitantantan ti barangay election ket maik-ikkat met ti karbengan wenno tsansa ti tao nga agpili ti kayat da nga agbalin a lider.
Segun kenni Benigno, saan laeng a dagiti tattao ti maikkatan ti gundaway no diket uray dagiti agkalikagom met nga agserbi iti barangay.
Para kenni Benigno, no adda man ti kurap nga opisyal ket arig na maikkan ti gundaway nga agkunniber manen agingga a maintantantan ti eleksyon iti barangay.
Mainaig iti daytoy, saan a pabor ni Benigno iti rumrumuar a rason ti dadduma a dagiti nakatugaw ita a barangay officials ket mas ammo da ti aramiden da seknan iti pananglaban ti pandemya.
Inlawlawag na a saan a gapo ta na-expose dagiti barangay officials iti pananglaban iti pandemya ket daytoy ti usaren a rason gapo ta adda latta dagiti makabael iti daytoy ngem awan da iti turay.
Kabayatanna, inpetteng na a no kanayon met laeng a maintantan ti barangay election ket napinpintas no maadal ken maamendaran ti linteg
