LAOAG CITY – Dua a finals ti pakipasetan ni Karl Eldrew Yulo.
Daytoy ket kalpasan a nakagun-od ti maysa pay a balligi iti final round ti horizontal bar iti Osijek Leg ti FIG Artistic Gymnastics World Cup Series a maisaysayangkat iti Gradski VRT Hall idiay Osijek, Croatia.
Inpakita ni Yulo ti naiget a performance daytoy kalpasan a nakaaramid ti 13.733 puntos manipud iti 4.900 difficulty ken 8.733 execution.
Naglippas ni Yulo iti maikapito a puesto tapno makasigurado ti puesto iti eight-man final round.
Indauloan iti qualifying round ni Camilo Vera ti Colombia nga addaan ti 14.433 puntos idinto a maikadua met ni Tang Chia-Hung ti Chinese-Taipei nga addaan ti 14.433 puntos.
