LAOAG CITY – Kinumpirmaran ni Police Captain Julius Basalio, chief of police ti PNP-Bangui a naipilan ti kaso a panaglabsing iti RA 9165 kontra kenni Levyjay Lorenzo iti Barangay Utol iti nasao nga ili.
Daytoy ket kalpasan a natiliw iti naiyuswat a search operation iti mismo a pagtaengan na.
Naala dagiti otoridad ti innem a sachet a naglaon ti maipagarop a shabu, lima a sachet nga addaan ti residue ti shabu, dua a foil, ligther ken pospuro .
Kunana a manamnama met ti pannakaidalan ti inquest proceedings ni Lorenzo intono bigat, aldaw ti Lunes.
Iti agdama ket nagtalinaed pay laeng iti kustudiyar ti PNP-Bangui ni Lorenzo.
