LAOAG CITY – Inrekumendar ti piskalya ditoy probinsiya ti kaso a murder kontra ken ni SPO1 Sammy Lucero iti PNP Piddig.
Daytoy ket gapu iti pannakapaltog na rason a pimmusay ti agnagan iti Sherwin Francisco iti Brgy. Anao iti ili ti Piddig idi Nobyembre 29, 2017.
Segun iti piskalya, saan nga inkankano ti investigating prosecutor ti palawag ni Lucero a bayat a tengtenglen na ti biktima ket bigla a pimutok ti paltog na rason a natamaan daytoy ken pimmusay.
Rumrumuar pay nga adda distansiya ti pulis ken ti biktima idi mapaltugan na ti biktima.
Maipalagip a natay ti biktima kalpasan a napaltupaltugan iti ulo na babaen iti nasao a suspek kalpasan a nagresponde da gapo iti panangubor da iti maysa a balay iti nasao a barangay.
