LAOAG CITY – Inrakurak ni House Prosecutor ken Manila Rep. Joel Chua a kapada ti fertilizer fund scam iti administrasion ni dati a Presidente Gloria Macapagal-Arroyo,ti impeachment case ni Vice President Sara Duterte mainaig iti maipagarup a saan nga umno a pannakausar ti confidential funds.
Ti fertilizer scam ket maysa a dakkel a kontrobersia iti administrasion ni Arroyo no sadinno a P728M a gatad ti pundo a para kuma iti fertilizer dagiti mannalon ngem napan iti kwestionable a proyekto ken benepisiario.
Ti Article 1 ti Articles of Impeachment ket mangakusar ken ni Duterte iti saan nga umno a pannakausar ti P612.5M a confidential funds.
Iti imbestigasion ti Kamara, naduktalan dagiti agpam-panday linteg a ti Office of the Vice President ket nangiyisyu kadagiti acknowledgeent receipt a kwestionable kas iti agnagan ti Mary Grace Piattos a basar iti Philippine Statistics Authority ket awan iti siasinno man a nakarehistroan ti nagan.
Kuna ni Chua a ti panagusar ti alyas wenno fictitious names iti acknowledgeent receipts ket saan a kaaytna a saoen nga illegal a transaksion mainaig ti confidential funds.
Inlawlawagna a ti Commission on Audit ti kasapulan a mangipaay pay ti selyado a dokumento t aktwal pannakaawat daytoy.
