LAOAG CITY – Ngimmato ti kaso ti human parainfluenza viruses wenno Human parainfluenza virus infection (HPIVs) idiay China kadagiti napalabas a lawas basar iti datos ti Chinese Center for Disease Control and Prevention.
Umabot iti 6.9% ti positivity rate ti Human parainfluenza virus infection manipud iti influenza-like illnesses, nangatngato maidasig iti 6.5% iti napalabas a lawas ken 4.7% idi katengngaan ti Marso.
Basar iti China Center for Disease Control idinto a bimmaba ti overall influenza activity, agtultuloy nga agwarwaras ti Human parainfluenza virus infection, rhinovirus ken respiratory syncytial virus.
Nangatngato ti epekto ti Human parainfluenza virus infection kadagiti ubbing nga agtawen ti lima agpababa maidasig iti dadduman nga age group.
Inbatad dagiti eksperto nga ad-adda a masansan daytoy a a mapasaran dagiti maladaga ken ubbing ken saan unay a napaspas nga ag-mutate maidasig iti influenza.
