LAOAG CITY – Inrakurak ti Foreign Minister ti Iran a mabalin nga agresulta iti panaglukat manen ti Hormuz ti katulagan iti panaglippas ti rinnupak.
Inbatad ni Seyed Abbas Araghchi a karaman iti katulagan ti pannakaikkat ti United States blockade ti Iran idinto a sumaruno a mapagsasaritaan ti nuclear programme ti Iran.
Kinumpirmaran dagiti opisial ti Estados Unidos a ti sumagmamano kadagiti detalye iti katulagan ket maipanggep iti benepisio ti ekonomia para iti Iran a nakadepende ti taripnong ti Tehran.
Maipalagip a nangrugi ti gubat ti Amerika ken Israel iti Iran idi Pebrero 28 a nangitunda ti panangatake met ti Iran iti Israel ken United States-allied states iti Gulf.
Gapu iti daytoy, napaserraan ti Strait of Hormuz a kangrunaan a pagdaldalyasatan a ruta dagiti barko para iti oil ken liquefied natural gas.
