LAOAG CITY – Maysa a lugar idiay Minnesota, U.S.A. ti nakagun-od ti world record gapu iti sobra a kinaulimekna.
Kinumpirmaran ti Guinness World Records a ti Anechoic Chamber iti Orfield Laboratories iti Minneapolis, Minnesota ti “Quietest Place on Earth” gapu ta addaan ti tagari a dumanon laeng iti negative 20 decibels.
Nakaul-ulimek daytoy a lugar no maidasig iti 30 decibels a tagari ti maysa a kuarto nga adda iti talon iti oras ti panagturog iti rabii.
Naaramid dagiti pader, datar ken bobeda ti anechoic chamber kadagiti ramit dagiti materyales iti panag-absorb ti uni kas ti glass wool ken fiberglass wedges no sadino dagitoy ket mangikkat iti echo ken tagari manipud iti ruar.
Basar kadagiti bimmisita iti nasao a lugar, mangngeg unay ti anechoic chamber ti kada garaw ti tulang, panagpitik ti puso ken panaggaraw kadagiti internal organs.
Naammoan a kaadduan kadagiti turista ket agkalikagum a sumrek iti nasao a lugar ket saan nga agbayag iti lima a minuto.
Kabayatanna, ti lugar ket dinisenio ni Steven Orfield tapno mangisayangkat daytoy ti experiment ken rukudenna ti uni dagiti nagduduma a produkto.
