LAOAG CITY – Uppat a darasen a nagsukat ti Senate president iti babaen ti administrasion ni Presidente Ferdinand “Bongbong” Marcos Jr.
Iti uneg laeng ti napalabas nga uppat a tawen, uppat nga agduduma a naganen ti nangiggem iti gavel ti Senado.
Idi 19th Congress (2022-2024) ni Senador Juan Miguel “Migz” Zubiri ti nagtugaw kas lider ti Senado.
Naglusulos ni Zubiri gapu iti pannakapukaw ti suporta ti mayorya ken sinukatan isuna ni Sen. Francis “Chiz” Escudero idi Mayo 2024.
Napadisi met ni Escudero idi Setiembre 8, 2025 iti baet ti pannakainaigna iti flood control scandal ken sinukatan isuna ni Sen. Vicente “Tito” Sotto a sinukatan met ni Sen. Alan Peter Cayetano idi kalman iti supresa a kudeta iti baet metten ti umas-asideg nga impeachment trial ni Vice President Sara Duterte.
Kadua ti baro a liderato ni Cayetano ni Sen. Loren Legarda nga agtugaw a baro a Senate President Pro Tempore kasukat ni Sen. Panfilo “Ping” Lacson.
