LAOAG CITY – Inpakaammo ni Mayor Markee Chua a maisayangkat ti kaunaan Farmer’s Festival iti ciudad ti Batac intono Mayo ita a tawen.
Nupay kasta, inbatad ti mayor a maiyababa dagiti aktibidad a maisayangkat tapno makainot ti ciudad ti Batac ti enerhiya gapu iti mapaspasaran nga oil crisis nga epekto ti mapaspasamak a tension iti Middle East.
Iti baet daytoy, inpasigurado ni Mayor Chua nga uray maiyababa dagiti aktibidad iti kaunaan a selebrasyon ti Farmer’s Festival ket agenjoy latta dagiti umili.
Mainaig iti daytoy, kuna ti mayor nga inikkat da ti koronasyon ti balasang ti away ken grand parade tapno malag-anan dagiti barangay iti ciudad ti Batac.
