LAOAG CITY – Inbasura ti Sandiganbayan ti kiddaw ni Senador Jinggoy Estrada a pagtitipunen dagiti kaso a plunder ken graft a naipila kontra kenkuana mainaig iti maipagarop a maamomalya a flood control projects.
Segun iti korte, agduduma dagiti transaksyon a sakopen dagiti kaso isut gapuna a saan a rebbeng ti consolidation.
Inpaganetget ti Sandiganbayan a mabalin a maitantan ti pannagna dagiti graft cases no iraman daytoy iti plunder case, a maysa a non-bailable offense malaksid laengen no mapatgan ti petisyon tapno agpiyansa.
Gapu iti daytoy, agsisina a denggen dagiti kaso kontra ken ni Estrada.
