LAOAG CITY –Inbatad ni Atty. Kidd Castro, maysa a private lawyer a masapul nga ipakaammo kadagiti otoridad ti mapasmasapak a kinaranggas iti uneg ti pagadalan.
Daytoy ket kalpasan ti napasamak a pammagkong iti Balatong Integrated School no sadinno a ti suspek ket maipagarop a Grade 10 idinto a ti biktima ket Grade 11 ken saan a naipakammo iti publiko nudiket sumagmamano pay laeng nga aldaw sakbay a nagwaras ti damag.
Segun kenkuana, masapul a mairaman dagiti nagduduma nga ahensia tapno malappedan ken saan a maulit ti mapasmapasakiti uneg ti pagadalan ken kasta payen tapno maipaayan ti husto a pannusa iti siasinnoman a nakabasol.
Kinunana a saan a masapul a kanunongan ti napasamak nudiket ipakaammo iti nagduduma nga ahensia kas iti nagduduma nga ahensia ti gobierno.
Innayonna a kasapulan ti panagkiddaw ti incident report a napasamak ken agkiddaw ti solusion no kasano nga ad-adda a protehiran dagiti estudiante manipud iti aniaman a kinaranggas.
