LAOAG CITY – Inikkan ni Sang Panlungsod member Bryan Alcid ditoy ciudad ti Laoag ti 50-50 a satisfactory rate ti nagbalin a palawag ti Ilocos Norte Electric Cooperative (INEC) babaen ken ni General manager Herbert “Bing” Agdigus.
Daytoy ket mainaig iti nangato a singir iti kuryente ditoy probinsya no sadinno nga ado dagiti agrekreklamo iti bayadan da it kuryente.
Iti palawag ni Agdigus, maud-udi nga ag-reading iti Ilocos Sur isut gapuna a saan nga agpada ti rate na iti Ilocos Norte.
Inpetteng ni Alcid a saan nga isu ti pagibasaran ti panagngato ti mabayadan a kuryente ditoy probinsya gapu ta saan a mabalin a mabaliwan ti rate uray saan nga agpada ti aldaw a panagreading.
Mangnamnama ni Alcid a mangkita ti kooperatiba ti nalaklaka a pagangkatan da ti kuryente nga isuplay da kadagiti member-consumers tapno lumaka ti mabayadan iti kuryente.
Kabayatanna, inpalgak met ni Sang Panlungsod member Jason Perera a masapo nga agaramid ti addang ti INEC gapu ta possible a no agtultuloy ti panagngato ti singir iti kuryente ditoy probinsya ket mabalin nga addan to payen dagiti agserra a pasdek negosyo.
Agamak ni Perera a no mapasamak daytoy ket sigurado nga ado dagiti mapukawan ti pagtrabahoan.
Innayon na a dakkel ti posibilidad na nga awan to payen ti mayat nga umay agnegosyo ditoy probinsya gapu iti kinangina ti kuryente.
