LAOAG CITY – Kalikagum ti Philippine Councilors’ League interim President Handy Lao nga agsursor kadagiti nagduduma a probinsya iti intero a pagilian sakbay ti eleksyon.
Segun ken ni Lao, 80% a porsyento ti target a lugar ditoy pagilian ti mabisita na.
Inbatad na a daytoy ket tapno maamoan ti kalikagum dagiti nagduduma a lugar sakbay ti league election.
Immuna iti daytoy, inpakaammo ni Lao nga intuno Pebrero 22 ti panagipila ti kandidatura idinto nga intuno Marso 8 ti eleksyon.
Awan met pay ti nadakamat ni Lao a line up dagiti posible nga aglalaban iti nasao nga eleksyon.
