(Update) LAOAG CITY – Ibilang ni Sangguniang Bayan Member Jovencio Pascua, agtawen ti 69, addaan ti asawa ken residente iti Bgy. Manalpac iti ili ti Solsona a maikadwa a biag ti gandat a panangpapatay da kenkuana babaen iti paltog idi agsipnget idi kalman.
Segun ken ni Pascua, awan ti ammo na a rason no apay a pinaggep da a papatayen malaksid laeng iti pulitika.
Inadmitir na a maitudtudo idi nga utek kadagiti napaspasamak a krimen iti ili da, insaklang da ken dimmandanon pay idiay Ombudsman ngem saan a nagpursige.
Kuna na na a nabayagen a pulitika daytoy ngem awan pulos ti pannakaabak na ket ti ammo da siguro ket agpaidasig iti nangatnagto a posisyon isu kayat da a patayen.
Patien ni Pascua nga “hired killer” ti nanggandat a nangpapatay kenkuana…voice clip..cue out…idiay eh..
Maipalagip a lumugan koman ni Pascua iti nakaparking a lugan da iti paset ti daan a Public Market ti ili da idi makita na ti nakapaspas a magmagma a lalaki nga umas-asideg kenkuana kageddan iti panangitotok na ti saan a madeterminar a kalibre ti paltog ken kinalabnit na ngem saan a pimmutok.
Ditoy a ginundawayan ni Pascua ti nagpukpukkaw a nagpaarayat, kagedddan met ti panagtaray ti suspek a naglugan iti motorsiklo na ken nagpataray iti paset ti Bgy. Barcelona.
Mainaig iti daytoy, kitaen ken ireview ti PNP-Solsona dagiti CCTV iti lugar a nakapasamakan ti gandat a panangpapatay ken ni Sangguniang Bayan Member Jovencio Pascua iti nasao nga ili ken uray iti nagnaan ti suspek.
Daytoy ti inbatad ni PO3 Errol Tangonan, Chief ti Investigation Section ti PNP ti nasao nga ili.
Segun ken ni Tangonan, malaksid iti panangrebisar da kadagiti CCTV ket agukkon da pay ti ad-ado nga impormasyon mainaig iti nasao nga insidente.
Mainaig iti daytoy, nagpannawagan ni Tangonan kadagiti adda ammo na iti nasao a pasamak iti itutulong da koma iti pulisya para iti pannakasulbar na.
