LAOAG CITY – Mamati ti maysa nga accredited lawyer ti International Criminal Court a nalidem nga ibilen ti Korte Suprema nga isubli iti Pilipinas ni dati a Presidente Rodrigo Roa Duterte nga iti agdama ket adda iti kustodiyar ti International Criminal Court idiay The Hague, Netherlands.
Inaramid daytoy ni Atty. Joel Butuyan kalpasan iti agtultuloy a panawagan dagiti supporters ti dati a presidente nga isubli daytoy iti pagilian.
Iti agdama ket nakapenpen paylaeng iti Korte Suprema ti
consolidated habeas corpus petition nga inpila dagiti agkakabsat a Duterte iti kallabes a mangkweskwestyunar iti legalidad ti pannakaarestar iti dati a presidente ken pwinersa da nga inkabil idiay The Hague, Netherlands.
Basar iti abogado, awan ti kabaelan ti Korte Suprema a mangiparuk-at ti pammilin a saan a paset ti kaso.
Inpetteng na pay nga awan ti hurisdiksyon ti Korte Suprema iti International Criminal Court kangrunaan na iti isyu a panangpaawid ti dati a presidente manipod iti hurisdiksyon ti international organization.
