LAOAG CITY – Nagdinnungpar ti maysa a kotse ken van iti paset ti Brgy. Bobon iti ili ti Burgos.
Inpakaammo ni PMaj. Christian Felix, ti chief of police iti PNP-Burgos a basar iti imbestigasyon da, agpaamianan ti kotse nga inturong ti agtawen ti 29 ken residente iti Brgy. Ablan iti nasao nga ili idinto nga agpaabagatan ti van nga inturong ti agtawen ti 38 ken residente iti Brgy. Bacsil iti li ti Bangui.
Inbatad na nga apaman a nakadanon ti kotse iti kurbaan a paset ti kalsada ket kellaat nga immakar ti linya raso a nasanat na ti sumungad a van.
Gapo iti daytoy, nagsagaba ti minor injury dagiti driver pakairamanan dagiti pasahero dagitoy ken naitaray da iti Bangui District Hospital.
Kabayatanna, inpakaammo ni Felix nga agpada a nadadael dagiti dua a lugan kangrunaan ti sango a paset dagitoy.
Iti agdama ket agtultuloy ti imbestigasyon dagiti otoridad iti nasao nga insidente.
