LAOAG CITY – Naragsak nga inburay ti tv host actress Kris Aquino ti panangselebrarna iti maika-54 a panagkasangayna.
Iti online account-na ket inburayna dagiti ladawan kaduana ti dua nga annakna nga isuda Josh ken Bimby.
Naammoan a dagiti sumagmamano a bisita daytoy ket isuda Michael Leyva ken RB Changco ken dadduma pay.
Nagyaman daytoy kadagiti nangkablaaw kenkuana a saanda a nalipatan ti panagkasangayna.
Maipalagip nga idi Septiembre iti napalabas a tawen idi nagawid ditoy pagilian kalpasan ti dua a tawen a panagtalinaed daytoy idiay Estados Unidos para iti panagpaagas iti autoimmune disease.
Kabayatanna, idi Hunio iti napalabas a tawen ket inyam-ammona ti baro a nobio daytoy a ni Mike Padlan a maysa a doktor ditoy Pilipinas.
