LAOAG CITY – Mabuya ti Light Show iti sangoanan ti Kapitolio Probinsial ti La Milagrosa Symphony of Lights.
Daytoy ti naragsak nga inpakaammo ni Mr. Xavier Ruiz, ti Officer In Charge iti Provincial Tourism Office.
Ti Light Show ket mangrugi iti oras ti alas siyete rason a maparikepan ti kalsada iti sango ti Kapitolio Probinsial.
Segun kenkuana, daytoy ket kagiddan ti pannakairubuat ken pannakaiyam-ammo dagiti kandidata ti Miss Ilocos Norte 2024.
Inbatadna a ti napalaos a panagyamanna ken ni Gov. Matthew Marcos Manotoc gapu iti agtultuloy a naiget a suporta nga ipapaayna kadagiti isaysayangkatda a naindaklan nga aktibidad.
Kunana a babaen iti daytoy ket maipakita ti kinasirib ken kinapintas ti maysa nga Ilokana ken taga Ilocos Norte nga isu ti maipagpanpannakkel kadagiti dadduma a probinsia.
