LAOAG CITY –Kinarit ni Laguna 1st District Representative Ann Matibag ni Davao City 1st District Representative Paolo “Pulong” Duterte a mangipakita ti pammaneknek ti anomaly ti infrastructure projects iti distritona.
Daytoy ket kalpasan ti rakurak ni Duterte iti asawana a ni National Bureau of Investigation (NBI) Director Melvin Matibag nga iraman nga imbestigaran ti flood control projects iti ruar ti Davao City a pakairamanan ti distrito ti asawana.
Ngem impetteng ti NBI director a dagiti imbestigasion ti gobierno iti maipagarup nga anomalya ti flood control projects ket awan target-na nga indibidual.
Kinuna met ti asawa ni Matibag nga isu ken ti asawan ketadda kabukodanda a responsibilidad iti publiko ken awan ti pakainaigan ti NBI Director iti congressional office.
