LAOAG CITY – Natagbat ti maysa a lakay babaen ti sampilok kalpasan a nakiballaet iti riri dagiti lallaki.
Nabigbig ti biktima a ni Ildefonso Paraiso y Andres, agtawen ti 60, naasawaan, mannalon ken residente iti Brgy 42 Apaya iti ciudad ti Laoag idinto a dagiti suspek ket da Christian Mateo, addaan ti umnmo nga edad ken ni Glen Domingo y Tungpalan, balo, ken residente met laeng iti nasao a lugar.
Segun ti imbestigasyon, nagturong dagiti dua a suspek iti balay ti agnagan ti oliver Geronimo y Tungpalan tapno komprontaren a nagresulta iti riri dagiti tallo a lallaki.
Naamoan a kadua ti biktima a nakiballaet dagiti agnagan ti Bernardo Vallejo y Pinafeil ken perlita Paraiso y Andres.
Gapo iti daytoy, nangirwar ti suspek ti sampilok ket ditoy a natagbat ti akin kannigid nga abaga ken likudan a paset ti biktima ken naitaray iti Laoag City General Hospital.
Insigida met a nagtaray dagiti suspek ngem ti kurong-kurong a nagluganan da ket adda iti kuerpo ti pulisya.
Iti agdama ket subject dagiti dua ti manhunt operation babaen kadagiti otoridad.
