LAOAG CITY – Agtignay a dagus ti Senado tapno awan ti pannakaitantan ti pannakatratar iti Articles of Impeachment kontra ken ni Vice President Sara Duterte no iyuli ti kababaan a pagpandayan linteg iti kongreso ti kaso.
Daytoy ti inpasigurado ni Senate President Vicente Sotto III.
Iti statement, inbatad ni Sotto nga agsagsaganan ti arigna amin a senador iti posibilidad nga ipila ti kaso iti kangatoan a pagpandayan linteg iti kongreso kas maiyataday iti inkeddeng ti 1987 Constitution.
Segun ken ni Sotto, nakipagkita iti sumagmamano a miembro ti majority bloc no sadinno a binalakadan na ti amin nga agreview mainaig iti Rules of Court nga akinsakop iti opisyal a procedural rules nga usaren no kasanu nga ipila, denggen ken desisyunan ti kaso ni Duterte.
Inpasingked pay ni Sotto a no maipila ti Articles of Impeachment iti Senado, agtignay a dagus ti kangatoan a pagpandayan linteg iti kongreso kas maiyataday iti letra ti konstitusyon a “forthwith” ken ipakaammo iti lupon ken ipaay ti nasao a banag iti Committee on Rules para iti naurnus a panangiggem.
Sinungbatan ni Sotto ti panagamak no apay nga agsagsagana a dagus ti senado para kadagiti sumaruno a mapasamak paylaeng.
Dinakamat na ti Code of Judicial Conduct and Accountability, isut gapuna a rumbeng a tungpalen ti Senado ti trabaho da a saan a rumbeng nga agbalin nga impartial ti amin a senator-judges, no di ket agtignay nga awan ti kankanunungan na iti maysa a reasonable observer.
Innayon ti Senate chief a masapol a mapagtalinaed ti amin a miembro ti Senado ti public confidences iti impartiality kas senator-judges iti aniaman nga ibaga da iti uneg ken ruwar ti korte.
