LAOAG CITY – Maysa nga abugado idiay New York ti nakagun-od ti baro a world record gapu iti naidumduma nga ag-chest to ground push ups iti uneg ti maysa nga oras.
Kinumpirmaran ti records keeping organization a Guinness World Records a ti agtawen iti 31 a ni Alex Capogna ti baro a record holder ti titulo a “Most Chest-To-Ground Push Ups in One Hour” kalpasan a naka-push ups ni Capogna ti 1,246 a daras.
Inbatad ni Capogna, dua a tawen isuna a nag-training tapno magun-od ti rekordna a 1,246 push-ups. Kalpasan ti record attempt-na, saan a nakitaan ti pannakabannog ni Capogna ken dagus a nagaramid ti record attempt para iti dadduma pay a push up record nga agdama pay laeng nga irebrebyu ti Guinness.
Kuna ni Capogna, awan ti planona nga ibbatan ti world record ken kabaelanna nga artapan no bilang adda ti makaabak iti agdama a record.
