LAOAG CITY – Napilaanen ti kaso ti maysa a lalaki a naarestar iti buy-bust operation iti Barangay San Baltazar iti ili ti San Nicolas.
Daytoy ti inpakaammo ni P/Cpt. Sygman Benigno, Hepe ti San Nicolas Police Station.
Inbatadna nga awan ti nairekomendar a pagpiyansana kalpasan a naglabsing iti Republic Act No. 9165 wenno ti Comprehensive Dangerous Drugs Act of 2002 gapu iti panaglakona ti iligal a droga.
Maipalagip a naarestar ti maysa a lalaki nga agtawen ti 37, addaan ti live-in partner, construction worker ken residente ti Barangay San Baltazar iti ili ti San Nicolas kalpasan a naglako ti maysa nga heat sealed transparent plastic sachet a naglaon ti maipagarup a shabu iti police poseur-buyer.
