LAOAG CITY – Naarestar ti maysa a drug personality iti naiwayat a buy-bust operation iti ili ti Bangui.
Ti suspek ket agtawen 47 ken residente ti Brgy. San Lorenzo, iti ili ti Bangui.
Natiliw ti suspek kalpasan daytoy a naaktoan a naglako ti maysa a heat-sealed transparent plastic sachet a naglaon ti white crystaline substance a mapapati a shabu.
Malaksid iti daytoy, nakumpiskar pay manipud iti suspek ti maysa a genuine Php 1,000.00 bill a nausar kas buy-bust money, uppat a heat-sealed transparent plastic sachet a naglaon ti white crystalline substance ken dagiti non-drug evidence kas iti personal a kuarta ti suspek, folded knife, black small pouch ken ti sumurok-kumurang 1.5 a gramo ti mapapati a shabu.
Kabayatanna ti naarestar a suspek ket naipan iti Bangui Rural Health Unit para iti mandatory physical examination ken para iti naanaay a dokumentasion.
