LAOAG CITY – Natay ti maysa a lalaki a nangiturong ti tricycle kalpasan a natnag iti karayan iti Barangay 26 Oaig-Upay-Abulao iti ili ti Paoay.
Nabigbig ti biktima a ni Angelito Natividad, adda ti umno a tawen, naasawaan ken residente iti nasao met laeng a barangay.
Basar iti Paoay Municipal Police Station, agarup 8:15 ti rabii, kabayatan a dumaldalyasat ti tricycle nga inturong ti biktima nga agpa-laud nga agawiden iti pagtaenganda ket na-overshoot iti kurbaan a paset ti Oaig-Upay-Abulao bridge.
Gapu iti daytoy, napukawan ti kontrol ti manibela ti biktima a nangitunda ti pannakaidungparna iti concrete barrier ti rangtay agingga a natnag daytoy iti karayan.
Naammoan a nagsagaba ti nakana a sugat iti ulo ti biktima ken gasgas iti nagduduma a paset ti bagina no sadinno a naideklarar a dead on the spot babaen ti attending physician a ni Dr. Cherry Mae Pamo, Medical Doctor ti Rural Health Unit iti ili ti Paoay.
Kabayatanna, rumrummuar a maipagarup a nabartek ti biktima idi napasamak ti desgrasia.
