LAOAG CITY – Kinumprmaran ni Barangay Chairman Rodolfo Ramirez iti Barangay Salet Bulangon ditoy ciudad ti Laoag nga adda ti maysa a lalaki a mapukpukaw.
Binigbig na daytoy a ni Ricky Manglanlan, agtawen ti 37 residente iti nasao a barangay.
Segun kenni Ramirez, napan nagrescue ni Manglanlan kadwa na dagiti dua a kagawad iti nalayos a kabarangayan da ngem idi agawid dan ket naitaw-ang daytoy iti apagat-tao ti kaadalem na a danom.
Inbatad na a no naiyanod daytoy ket mabalin a makadanon iti Barangay 12 wenno iti Barangay Pila ditoy ciudad.
Mainaig iti daytoy, kuna ni Ramirez a maluksaw ti pamilya ni Manglanlan gapo ta maipagarop nga inbatad dagiti resuce team nga awan ti mabalin da no naiyanod ti biktima.
Ummuna iti daytoy, nagpatulong dagiti maseknan iti rescue team ngem idi nakadanon da iti lugar ken awan ti iggem da a kagamitan ken idi naamoan da a naiyanod ti biktima ket maipagarop a kunada nga awan ti mabalin da ken pimmanaw dan.
Nagpanawagan ni Ramirez kadagiti residente citoy ciudad a no adda man ti maalaw da a lalaki ket ipakammo da laeng kenkuana.
