LAOAG CITY – Natiliw ti maysa a lalaki babaen ti bileg ti maysa a warrant of arrest gapu iti kaso na nga Slight Illegal Detention idiay Brgy 54- B Camangaan ditoy ciudad ti Laoag.
Nabigbig daytoy a ni RIC PAUL MACUGAY y Lucas, 32, addaan ti live-in partner ken residente met laeng iti nadakamat a barangay.
Ti warrant of arrest ket inparuk-at ni HON. Nida B. Alejandro, Acting Presiding Judge, RTC, First Judicial Region, Branch 11 ditoy ciudad.
Nairekomendar ti 120 ribo a pisos a piyansa ti suspek para iti temporaryo a pannakawaya-waya na.
Naamoan ti Bombo Radyo Laoag a mismo a ti live-in partner ti suspek ti nangireklamo kenkuana kalpasan nga ingalot na daytoy.
Iti panagsukisok ti Bombo Radyo ket naamoan a naponoan ti suspek gapu ti maipagarop a panagibubuong ti live in partner na kadagiti kagamitan da no agririda isut gapuna a naaramid na ti nangigalot iti babai.
