LAOAG CITY – Nakagun-od ti Guinness World Record ti maysa a lalaki idiay Las Vegas, USA iti titulo a Fastest Time to Ascend and Descend the Height of Mount Everest on Stairs kalpasan iti panagngato ken panagbabana iti agdan iti pagtaenganda iti uneg ti 23 nga oras.
Ni Sean Greasley ket kasapulanna nga agulit-ulit a ngumato ken bumaba iti agdan nga adda ti kaatiddogna a 29,031 feet ken 5.5 inches tapno maartapanna ti kinangato ti Mount Everest.
Inburayna ti live ti record breaking attempt-na iti online ken naleppasna daytoy iti las-ud ti 22 hours, 57 minutes ken 2 seconds.
Estoria ni Greasley, nangaramid isuna ti bukudna a pagannurutan kabayatan nga isaysayangkatna ti record breaking attempt pakairamanan ti saan a panangiggem iti railings ti agdan.
