LAOAG CITY – Nakasaganan dagiti bagas a maibunong kadagiti benepisiario a residente ditoy siudad ti Laoag.
Segun ken ni Mayor James Bryan Alcid, umabot iti 5,100 dagiti benepisiario ditoy siudad ti manamnama nga umawat ti bagas.
Inbatadna a dagitoy a maibunong a bagas ket naggapu iti National Government no sadinno kunana a napili laeng dagiti maipaayan dagitoy.
Kunana nga adda pay ti pannakakita ti nasayaat iti listaan iti Provincial Government of Ilocos Norte tapno saan a madoble dagiti mabunongan.
Kabayatanna, nagpadespensar ti Mayor gapu ta saan amin nga household ditoy siudad ti Laoag ket maikkan ti bagas.
