LAOAG CITY – Nagballaag ni United States President Donald Trump iti Taiwan kontra iti pormal a panagdeklarana ti independensia manipud iti China kageddan ti panagbisitana iti Beijing.
Iti maysa a rakurak, inpanagetget ni Trump ti kinapateg ti panagkalma ti tension, ngem tinaginayon ti Taiwan a saanen a kasapulan ti agdeklara gapu ta imbilangda ti bagbagida kas agwaywayas a pagilian.
Kinuna ni Trump a kasapulan ti United States ti 9,500 a milia tapno makiranget iti gubat ken saanna a kayat ti agmaymaysa.
Gagemna a mapalag-an ti tension iti nagbaetan ti Taiwan ken China.
Inpakaammo pay ni Trump nga adu ti natalantanda ken ni Chinese President Xi Jinping maipapan iti Taiwan, ngem nagkedked a mangpasingked no idepensa ti America ti Taiwan.
Segun ken ni Trump, saan met a kayat ni Xi ti gubat.
No maipapan iti $11 billion weapons package ken dadduma pay nga pannaki-kinnaayet ti armas, kinuna ni Trump nga ikeddengna dagitoy iti mabiit kalpasan ti pannakiumanna kadagiti lider ti Taiwan.
