LAOAG CITY – Kalikagom ni Mrs. Chona Butay, ina ti lalaki a nadesgrasya iti Barangay 10 ditoy ciudad ti Laoag a masolusyunan ti problema iti walang nga aso kangrunaan na iti rabaii.
Daytoy ket kalpasan a nadesgrasya ti anak na iti paset ti Barangay 10 gapo iti aso nga adda iti kalsada a nakasugatan ti nagduduma a paset ti bagi na.
Segun kenni Butay, idi lumabas ti anak na ket saan na a naripar ti aso nga adda iti tengnga ti kalsada.
Plano met ni Butay a makisarita kadagiti opisyales ti Barangay tapno masolbar ken tapno saanen a maulit ti pasamak.
Inpetteng na a saan laeng a ti anak na ti biktima iti kaadda ti aso iti tengnga ti kalsada gapo ta adda pay dagiti dadduma nga agrekreklamo.
Kabayatanna, nagkedked nga agpainterview iti Bombo Radyo ni Barangay Chairman Antero Ligot iti Barangay 10 ditoy ciudad ti Laoag ngem inpasigurado na a bagaan na dagiti kakadua na nga opisyal a monitoren dagiti aso nga agkaiwara.
